ƊAMINAARE E YONNDIKINAARE KO BAASAL LEÑOL

Pooɗondiral jappeere laamu gasii poolgu woodanii Aziz ko bettaani waɗi kono,ɗum humpaano hay gooto .

Kono banndiraaɓe ñalnde ƴakkru dawi luɓam ñiiƴe alaa saa ñaantat ɓiy goɗɗo ñaantu mo njibinɗaa sa artii e maa njeeɓaa.

Jooni kam goonga feeñii ko enen corii koye men liɓi hoto mo woytii haa yeeso ko laawol maa haala ngoɗka aroy janngo.

Won suniiɓe ko IMS heɓi 4 e nder teemedere,miin mi sunaaki sabu bettaanimi ɗum firti tan ko Faamnoo ko ena heɗdii e faamde ,ko faamaani ko faamataa,ko faami salii ko ene heɗdii e salaade ngam ɗaminaare e heeroraade nguurndam mum keeriɗam .

Banndiraaɓe so tawii IMS ko jeenaaɗo kaalis yoo wallu Aziz,fayɓe to makko too ɓee no mbiyetee ko Naamnal ?.
Jooni kam ko gasatnoo gasii so tawii leñol no woorunoo ronkii dañde hay dara e nder leydi ndi jeyaa ,ɗee jaleeɗe koɗe men alaa goppaaɗo ɗoon ɗo ngannduɗa leƴƴi fof nana pilñitii ngam dillere mbaylaandi,enen eɗen keɗdii e ñiŋooje gustooje ngonka men (nduttoɗe e 1958 jeytaare indépendance alaa ɗo yahnoo artii ɗo wonnoo ).

Jooni kam ɓoggi nduttiima e daaɗe baawɗo fof yoo reen daande hoto liggeede no dammuwol ni,sabu kala ko teeli sonngee,koko haanaani waɗi so tawii ko Fuuta fof rentata rokka goɗɗo woppa ƴiiƴam mum,e gure heɗdiiɓe ɓe hay dara IMS heɓataa toon alaa fof wuro safalɓe ngo IMS dañi hayso daande wootere ɗum tan yonii yeru ko heɗdii ko mi haalaani.

Musiɗɓe tedduɓe ngal piggal maa feeñoy yeeso e jamanuuji garooji tawa korngotooɗo woodaani .
Njaafoɗon ko miijam tan njaltinmi hay gooto mi joopooki