Martyrs du 28 novembre

En njetti joomiraado jom tagoore
Ennjuulii e jeydo sabaabu tagoore
Hannde mihaala hay so ina bona bernde am
Mi deyyataa hay so gondi ina burta darnde am
28 Novembre 1960, hol ko mawnima kala hitaade
Sibu oon ñande 28 novembre 1990 gontudaa aan hiitaande
Sa woniino nalawma jeytaari leydi am
Hannde ka nalawma ustaare leñol am
Ko e laamu ndool ndoolaagu
Ko e laamu lenam lenamaagu
Ko e laamngan ngu kam e maccu ngaagu
Sagataabe, nafoobe, anndabe njangube rimbe lenol am njagga
E kala jookli be cogga
Be boorta be bolnaa
E otooji buumaadi be be njolnaa
E dummbirdi luggii nibbi be mbedda
Do alla hullaaka saka woda ko hedda
Be piya, be nduppa
Heen ina nguuri ngubaa
Kala e leepte be kolla
Kala e bonnande be golla
Ala do wullitaaka
Ala do haalaaka
Ina annda majjaaka
Konohaa naane jantaaka

Cal
Dum deyyi
Yimbe deeyi
Hay gooto haalaani
Hay huunde dillani
28 novembre 1960, hol ko mawnima kala hitaade
Sibu oon ñande 28 novembre 1990 gontudaa ann hiitaade

Abu SAAR