Kartal Am, par Sammba Cooyel BAH

Kartal am ko ƴiiwoonde ɓernde fe©¯nde gila laamu Galammbo haa Siidi Aamel, toɓoore nde yonti, yuusna ɓernde cabbiiɗo cabbanaaɗo keele kawgu.
Kartal am ko lonka goro, otta pecce kawra, mbir suɓngo moosa hujjaaji caya.

Kartal toɗɗe wonaa kuwtorgel yeru. Kartal toɗɗe ko to©¯ngol ñaawoore golle e miijooji duuɓi ñaantoraaɗi nuunɗal e ngoonga. Ndeke so ngal soomtii ma e da©¯nga, ngal toɗɗii ma, hakkille ina foti dimmbin’de bahe.

So toɗɗe njontii mbir e mbiryel kala njola leewoo, leyta o etoo farkude ñaawoowo mbele ina suɓnee ndam, kono ɗuum wonataa.

So toɗɗe ndawii yoga he ƴamooɓe lefol laamu mbiya ina njejjitina hakkillaaji golle bonɗe, kuɓtidinɗe nguurndam ñoolaaɓe.

Hol ko ɓuri haɗde neɗɗo kaayit he o Dunyaa bon’de. Hannde hay teew maayngu ñaameteengu waɗtii waɗaneede kaayit ngam anndude asli mum. Aduna arii haa he nokku kala huunde ma jogoo ɗo jeyaa saka neɗɗo, ɗuum yejjittaake.
Hol ko ɓuri haɗde neɗɗo nguurndam. Heɓtude leydi lonngere mum e liggey njoɓdi e leydi mum.

Hol ko ɓuri bonnude yaakaare leydi e leñol jonngo. Ja©¯de ɓesngu ñoolaaɓe bonnaa kono woɗɓe ɓurnaa lañanaa heediheedaagu.

Hol ko ɓuri hoynude daasa, ɓoora laɓa taccina joom leydi muña arta kadi haɗee kaake e kaayit ruttoo seppa laaɓndoo hujja mum hujjee cabbi e caabune kaata. Etee woɗɓe ceppa laaɓndoo yo laamu yan nduusee mbaala he jam. Bone o e bonannde nde limtottaako.
Ɗe geɗe fof joom mum waɗa fina subaka toɗɗe njonta wiya ndah masi©¯el, ndah aawdi, ndah nii mi yaafi maa ma ñamalel remru, ngel fotaani nii woodde, tan ɗuum yejjitin ma ɓure ɗe ɗawaɗaa kuɓtidinɗe nguurndam ma kala, alaa ɗuum wonataa.

So toɗɗe njontii siftor, oon mo gila Dawaa dawi wiyi ko yo ɓiɓɓe leydi Moritani njooɗdo kaalda goonga no nguurdirta. Yo ɓesngu leydi pot to goodal, to pinal, to ɗemɗe, to ja©¯de, to safaara, to peccugol njeñcudi ngalu, to liggey, to laamu…Oon kaaloowo ɗum waɗi kadi golli, fonndii heen fiɗtaandu mum haa Waaletaake (Wolataa), holi oon ko Ibiraahiima Moktaar SAAR. Gila he Maawuyaa haa ñalawma hannde dawi, ɓe mbaɗaa jaagorɗe muuɗi ndeƴƴi, ɓe ndokkaa liggeyaaji muuɗi ndeƴƴi, ɓe ndokkaa ngaluuji muuɗi ndeƴƴi, ɓe ngaybini takki, kono fof hawjinaani Saarel mum. Nde tagnoo omo goongɗini konngol pulaar “ko goonga tan waɗtinta, fenaande jogii ko koykon ko yahri kono alaa gaɗa ko jooɗorii”.

Ndeke so tawii en paamii hay gooto fotaani hoomtude en haa weñcita en he laawol toɗɗanaade Ibiraahiima Moktaar SAAR. So aɗa winnditii toɗɗo, so a winnditaaki yamir toɗɗotooɓe ma yo toɗɗono mo, INA WONA. Faam so a toɗɗanii ma mo, a ɗaɓɓii mahtaade leydi Moritani he dow goonga e jam, INA WONA.

Paamee bawɗi Alamari ko ko tu©¯ngi, poolgu ko ko faandii so tawii on njaɓii INA WONA.


Nuwaasii-Lo-Sek, 18 / 06 / 2014
Sammba Cooyel BAH